Skip to main content

Manjile hai bahut,
Aur raste bhi.
Jindagi jeene ke falsafe bhi.

Kisi ko milta yaha bahut kuch,
Aur kisi ke hatho mein mushkile bhi.

Koi khushiyon batata hai yaha,
To kisi ki ankho me palte hai khwab bhi.

Kisi ke hote hai sapne pure,
To kisi ki ankho mein palte hai khwab bhi.

Koi mitata hai apno par,
To kisi ko naseeb nahi apno ka sath bhi.

Mil jaye gar apna koi,
Gum jata hai bheed main kahin.

Kisi ki barat mein khush hone ko mil jate hai hajaro,
To kisi ke janaje ko nahi milte chaar kandhe bhi.

Kisi ko bhukh hai ek niwale k,
Mil jata hai use mej-o- darokht par khana,
Sath mein shano-o shaukat ke liye sharab bhi.


Bhookhe pet pade gareeb ko nahi milti do jun ki roti,
Tan ko kapda ki kya bisaat, yaha nahi milta pyaas bujhane ko aab bhi.

Pairo mein pehene jane wale juto ke liye hai shamiyana lagaya,
Jara gaur se dekho yaha lakho ko naseeb nahi fati juraab bhi.

Yaha gairo ke liye rakhi jati hai dawat,
Jaha budhe maa-baap ko milta nahi kal ka baasi anaj bhi.

Yeh desh hai mera, jahan kagaj ki patango ko goli se udane par milti hai lakho-karodo ki numayish,
Wahi jinda dushmano ki goli khane walo ko nahi milta samman bhi.

Jindagi me sab kuch pane walo ko milta hai kai guna inaam,
Wahi jang mein sab kuch mita dene walo ko milta nahi anjaam bhi.

Desh ke bahar bante jate hai karodo,
Jaha desh ke bashindo ko ghar mein hi nahi milta insaaf bhi.

Desh ke dushmano, katilo ko milti hai hifajat yahan,
Wahi ghar ki bahu-betiyon ki bachti nahi yahan laaj bhi.

Mulk ki hifajat ki baat yahan kya kare,
Jab desh ke dushmano ke hatho bik jati hai sarkar bhi.

Vishwa ke sabse yuva desh hone ke khitaab se kya hota hai,
Jab desh ko mahan banana ke liye milte nahi 100 hath bhi.

Comments

Post a Comment

Popular posts from this blog

chhuttan ka chunaav ticket

Aaj hum sunayenge aapko chhuttan bhaiya ki katha, Netaon ki chaplusi aur band-hadtal hai inke parivar ki pratha. Sabhi pradarshano mein shamil hote, Chahe mudde se bhi wakif na hote. Ek baar to age badh kar putle ka dahan kia, Party adhyaksha ko impress karne ka risk lia. Putla jala kar mude, aur neta ji ki ankho se ankhe milayi, Neta ji ne bhi badh kar apni hateli badhayi. Chhuttan bhaiya khushi se foole nhi samaye, Socha na jane ab kab netaji ka bulawa aye. Khushi mein doston ke sath dawat udayi, Doston ne bhi chhuttan ki khub ki khichayi. Dusre din party daftar se chhuttan ko phone aya, Chhuttan ne apna khadi ka kurta chadhaya. Chhuttan ko ese roop mein dekh log dang reh gaye, Soche is gali ke gunde ke din kese fir gaye. Kurta pehan chhuttan bhaiya ne road se sansad tak ke sapne bun liye, Samne lag nai ke board par MP ki shapath padh liye. Chhuttan khayalo se nikla to wo party daftar ke samne tha, Party daftar karyakartao se...
Post a Comment
Read more

Wo to abhi bachha hai

Jab wo chaar saal ka tha, Usne laddoo churaye. Maana wo ladakpan tha, Fir bhi use maa-baap na samjhaye. Bole wo toh man ka sachha hai, Wo to abhi bachha hai. Aath ki umar mein baap ka batua le uda, Batuye ki rakam se dosto ko film dikhayi Guthke cigarette ke liye, Chori se ki kamayi. Pata chalne par maa-baap bole, badi harkat nhi ki yeh achha hai, Sambhal jaega wo, abhi to wo bachha hai. Chaudah ki umar me, attempt to murder mein jail gya, Uska shikar hua balak, apni ek ankh se gya, Bal sudhar mein kuch waqt bita ghar pe uske kadam pade, Jang jeeti ho jese, ese maa-baap ro pade. Sambhal lo ise jab tak ghada kachha hai, Jawab mila, kya jarurat hai abhi to wo bachha hai. Aaj satrah ki umar me usne ek naari ki aabru h looti, Kaanp jae rooh esi darindagi hai failayi, Haivaniyat ke is kaand pe na baap dapta na maa chillayi, Kaanoon ke hath bandhe hai, kyuki yeh kanoon luchha h, Jo is par bhi kehta hai, use saja nhi ho sakti wo to abhi bachha h.
1 comment
Read more