Skip to main content

Andhbhakt



Yeh kahani hai meri ek bua ki,
Jo ki Eeshwar par aseem shraddha rakhti hai,
Hafte me chaar din upvaas , do din maun vrat, esi unki bhakti hai.



Somwaar se Shanivar, unka apna hi timetable hota hai,
Subah 4 baje se uth ke karti puja path, jab sara jag sota hai.



33 crore devi-devtao ke naam jabaan par ratte hain,
Hamse to chemistry ke teen formulae bhi nahi pate hain.



Desh ke sabhi saadhu santo ki puja yeh karti hain,
Keh do in sadhuo ko kuch bhi, to muh se aag ugalti hain.



Ek din buaji ek naye baba ki tasveer ghar layi,
Boli Sharma ji ke gharwalo ne inse hi krupa payi.



Jab bua thi baba ke Pooja mein magan,
Hamne Google baba ka aashirvad liya,
Aur ghar pe baithe baithe, baba ka kora chittha khulwa diya.




Bua ko bulakar bole, dekho yeh inki sachhai hain,
Tasveer mein dikh rahi bikini babe nahi inki lugayi hain.



Inke bank account mein, tumhari 33 crore devi devtaon se jyada ki sampatti hai,
Kaha se aya itna dhan, ispe income tax walo ko bhi appatti hain.



Bua boli, tu toh naastik hain, tuje kya pata baba kitne chamatkaari hai,
Sham ko hi TV par news ayi, yeh baba to balatkari hain.



Hamne TV ko dekha, fir bua ki taraf najar ghumayi,
Bua baithi thi najre neeche thodi sakuchayi.



Turant uth kar bua ne baba ki photo ko phaad diya,
Sharma ji ke liye apshabdo ke saath fir kisi pe shraddha na karne ka than liya.



Kuch  dino baad, jab ham TV par cricket match dekh rahe the,
Bua muskurate huye ayi aur hamare haath se remote chheen liya,
Boli falaane-falaane channel kis number pe ate hain,
Is waqt yeh log baba ka jail se hi saakshaat darshan karwate hain.


Comments

Post a Comment

Popular posts from this blog

Rikshewala Ameer Ho Gaya Ek din ek rikshewale k ghar pe sarkari babu aye, Adhe tute huye darwaje ko jor se khatkhataye Rikshawala dauda-dauda aya, aur sankal hatayi, Dekh kar samne suit-boot wale babu, uski buddhhi chakrayi. Usne socha ki ye shayad koi survey karne aye hai, Ya bachho ko polio ki do boond pilane aye hai. Bade aadar se usne unhe andar bulaya, Andar tooti mej aur fati chatayi dekh sarkari babu jhallaya. Bola hum baithne nahi aye hai, Bus tumse kuch sawal karne aye hai. Yeh sun ke rikshawala ghabraya, Socha ye kesa sankat hai aya. Babu ne pucha, ghar me kitne log hai, Sabhi maujud h yahan, yeh bhi kya kam sanyog hai. Babu ne charo taraf najar daudayi, To teen bachhe aur yeh h tumhari lugayi. Rikshewale ne sir hilakar hami bhari, Aur ek budhi ma hai jo khat par h padi. Babu ne pucha, mahine m kitna kama leta hai, Mai-baap mahine ka nahi, hamara to din bhar ka theka hai. Achha to din m kitna kama leta hai, Malik yeh to is par ...
1 comment
Read more
India against corruption “Practise what preach”, this is an ideology which is taught to us from our childhood. But it seems like an outdated concept in this real world. Our politicians preach living a simple life while driving in a SUV and that too on public expense; our cricketers preach playing fair, while the winners fall to the bottom of fair play table. Our actors preach, “No to drugs” while Caught in camera in inebriated state. Media preaches fair jurisdiction and jurisdiction for all while carrying out “incriminate the accused campaign” and the list goes on. But this is not about the actors, politicians, cricketers, media; it is about the common man. This is about an incident which I came across in a small town in M.P, last year. During the month of April 2011,there was a large hue and cry regarding the anticorruption campaign and the Lokpal bill. The rage reached to the level of a revolution, where the whole country seems to be united under one agenda. Although the m...
1 comment
Read more

Wo to abhi bachha hai

Jab wo chaar saal ka tha, Usne laddoo churaye. Maana wo ladakpan tha, Fir bhi use maa-baap na samjhaye. Bole wo toh man ka sachha hai, Wo to abhi bachha hai. Aath ki umar mein baap ka batua le uda, Batuye ki rakam se dosto ko film dikhayi Guthke cigarette ke liye, Chori se ki kamayi. Pata chalne par maa-baap bole, badi harkat nhi ki yeh achha hai, Sambhal jaega wo, abhi to wo bachha hai. Chaudah ki umar me, attempt to murder mein jail gya, Uska shikar hua balak, apni ek ankh se gya, Bal sudhar mein kuch waqt bita ghar pe uske kadam pade, Jang jeeti ho jese, ese maa-baap ro pade. Sambhal lo ise jab tak ghada kachha hai, Jawab mila, kya jarurat hai abhi to wo bachha hai. Aaj satrah ki umar me usne ek naari ki aabru h looti, Kaanp jae rooh esi darindagi hai failayi, Haivaniyat ke is kaand pe na baap dapta na maa chillayi, Kaanoon ke hath bandhe hai, kyuki yeh kanoon luchha h, Jo is par bhi kehta hai, use saja nhi ho sakti wo to abhi bachha h.
1 comment
Read more