Skip to main content

Rikshewala Ameer Ho Gaya

Ek din ek rikshewale k ghar pe sarkari babu aye,
Adhe tute huye darwaje ko jor se khatkhataye
Rikshawala dauda-dauda aya, aur sankal hatayi,
Dekh kar samne suit-boot wale babu, uski buddhhi chakrayi.
Usne socha ki ye shayad koi survey karne aye hai,
Ya bachho ko polio ki do boond pilane aye hai.
Bade aadar se usne unhe andar bulaya,
Andar tooti mej aur fati chatayi dekh sarkari babu jhallaya.
Bola hum baithne nahi aye hai,
Bus tumse kuch sawal karne aye hai.
Yeh sun ke rikshawala ghabraya,
Socha ye kesa sankat hai aya.
Babu ne pucha, ghar me kitne log hai,
Sabhi maujud h yahan, yeh bhi kya kam sanyog hai.
Babu ne charo taraf najar daudayi,
To teen bachhe aur yeh h tumhari lugayi.
Rikshewale ne sir hilakar hami bhari,
Aur ek budhi ma hai jo khat par h padi.
Babu ne pucha, mahine m kitna kama leta hai,
Mai-baap mahine ka nahi, hamara to din bhar ka theka hai.
Achha to din m kitna kama leta hai,
Malik yeh to is par nirbhar h ki sawari kitna deta hai.
Gol-gol batein mat bana,
jaldi se apna hisab bata.
Malik kiraya kaat ke kuch 200 rupaye mil jate hai,
Inhi peso me hum apna kharcha chalate hai.
Ghar me koi aur kaam nhi karta hai,
Maa budhi h, bachhe chhote, ghrwali ko inka khayal rakhna padta hai.
Achha to 200 rupaye har din ka, prati vyakti 33 rupaye ate hai,
Abhi tak kya aap garibi rekha mein ate hain.
Rikshewale ne sar hila kar apna BPL card dikhaya,
Use dekh babu muskuraya,
Jane kya socha, fir badbadaya,
Badhai ho bhai, ab tum garib nahi rah jaoge,
Ab tum BPL se upar uth jaoge.
Ab is kagaj pe angudha lagana,
Aur age se anaj lene sarkari ration ki dukan par mat ana.
Rikshewale ne gaur se babu ke chehre ko dekha aur bola,
Malik in 200 rupaye me kharcha badi mushkil se chalta hain,
33 rupaye me tan ko kapda, petbhar bhojan, kya sab milta hain.
Babu dapta, chup raho, kya tum sarkar se jyada jante ho,
Apne aap ko planning commission se upar mante ho.
Hamare PM ne kaha hai, 28 rupaye se upar kamane wala garib nahi hota hai,
Aur tut oh fir bhi 5 rupaye jyada kama leta hai.
Yeh sun kar us garib ki ankho se aansu tapak pade,
Anghudhe ki chhap le babu dusre ghar chal pade.
Kamre ke beech betha garib darwaje ko takat rah gaya,
Dukh tha use, aaj wo amir ho gaya.

Comments

  1. Sanjay Kumar Srivastava1 July 2013 at 20:41

    Dear Atul,
    Its great....My all good wishes...Keep it up....

    ReplyDelete

Post a Comment

Popular posts from this blog

Day of Love

It was a bright sunny morning, I woke up after a late night chat with my lady love. Suddenly at 11:00 am she called me and said she was going home, she didn’t tell me the reason rather I didn’t let her speak as the news spoilt our date plan. We used to stay in the town of Bhopal, whereas her home was at Indore, which is at a distance of 200 kms from Bhopal. I immediately got up and without doing my chores, I rushed towards the bus stand. There she was, pretty as always, bathed in bright sunlight. Seeing her, I fell in love with her again. At the very moment, I thought of embracing her with all my love for her. With a bit of thought, I decided against as I have to portray my anger. I didn’t speak to her, just stood beside, observing the surroundings, accidently touching her hand every now and then. Hardly a moment has passed, the bus arrived and she left. When I reached home on my bike, I checked my phone, which read 10 missed calls and an SMS. All were  from her. The message read...
Post a Comment
Read more

A tribute to all rape victims

Maa aaj muje aane me jara der ho jaegi, Pata nhi aaj kudrat muj par kesa qahar dhayegi. Maa yahan raste pe ghana andhera hai, Samne ek bijli ke pole ko logo ka ghera hai. Maa unhe dekh kar mera ji ghabra raha, Aaspaas to koi aur hai hi nahi yaha. Dabe paao mai aage badhi jaa rahi hoon, Bas agle mod pahuch jaaoon mann hi mann mana rahi hoon. Khuda ka shukra hai, ghar saamne hi dikh raha hai, Par yeh kya koi mera peecha kar raha hai. Maa tu jara chaukhat pe aa jaa, Thodi himmat bandh jaegi, Jane yh insaniyat aaj kesa kahar dhaegi. Shayad  peechha karne wala bhi agne ghar ja rha hoga, Yahi soch kar m dil ko tassali de rahi hoon, Par chehre se tapakte paseene k beech mann hi mann ro rahi hoon. Maa ab to yeh aage aa ke mera rasta rok raha hai, Abhi samne dikhne wala mera ghar jane kaha hai. Muje jaane do bhai esi mene fariyad ki, Mann hi mann mene isht dev ki shakal yaad ki. Saamne khada rakshas mujh par dahad maar kar hasa, Uski bhayanak kaya dekh kar ...
Post a Comment
Read more

Wo to abhi bachha hai

Jab wo chaar saal ka tha, Usne laddoo churaye. Maana wo ladakpan tha, Fir bhi use maa-baap na samjhaye. Bole wo toh man ka sachha hai, Wo to abhi bachha hai. Aath ki umar mein baap ka batua le uda, Batuye ki rakam se dosto ko film dikhayi Guthke cigarette ke liye, Chori se ki kamayi. Pata chalne par maa-baap bole, badi harkat nhi ki yeh achha hai, Sambhal jaega wo, abhi to wo bachha hai. Chaudah ki umar me, attempt to murder mein jail gya, Uska shikar hua balak, apni ek ankh se gya, Bal sudhar mein kuch waqt bita ghar pe uske kadam pade, Jang jeeti ho jese, ese maa-baap ro pade. Sambhal lo ise jab tak ghada kachha hai, Jawab mila, kya jarurat hai abhi to wo bachha hai. Aaj satrah ki umar me usne ek naari ki aabru h looti, Kaanp jae rooh esi darindagi hai failayi, Haivaniyat ke is kaand pe na baap dapta na maa chillayi, Kaanoon ke hath bandhe hai, kyuki yeh kanoon luchha h, Jo is par bhi kehta hai, use saja nhi ho sakti wo to abhi bachha h.
1 comment
Read more